Dagurinn
Dagshrynjandi
Dagarnir á Yl eru fullir af lífi og gleði, leik, vinnu, einbeitingu, dundi, ró eða fjöri.
Morgunhringur
Við byrjum daginn á að setjast á hlýja teppið okkar í kringum litla trédrumbinn í miðjunni. Á honum er kertið okkar auk einhvers hlutar sem minnir á árstíðina sem ríkir eða á hátíðina sem nálgast.
Frjáls leikur
Leikurinn er leið barnsins að tengjast veröldinni. Waldorfleikskólakennarinn hefur þá sýn á manneskjuna að hún sé alla ævina að mótast og þroskast, það er hin eðlilega leið.
Myndsköpun
Myndsköpun á sinn sess í deginum. Eftir að búið er að taka til eftir frjálsa leikinn er hvíldarstund við borðin á meðan matarvagninn er sóttur og börnin fá næði til að sitja og teikna.
Næring og borðhald
Börn og starfsfólk á Yl fá í hádeginu lífrænan grænmetismat eldaðan á staðnum. Komið er á móts við allar þarfir barnanna en hér erum við með nokkur vegan börn, sum eru mjólkurlaus og önnur glútenlaus.
Ævintýri
Ævintýrið á sér fastan sess í deginum, leikskólakennarinn hefur lært það utan að og segir börnunum frá í stað þess að lesa upp úr bók. Þetta gerir það að verkum að bæði barninu og hinum fullorðna gefst tækifæri á að skapa sínar eigin innri myndir um leið og sagan er sögð.